ӨДӨР ӨНЖҮҮЛЭХ БҮЛЭГ

Манай төвд хүүхэд тань зугаатай байдлаар олон зүйлд суралцаж, гэрийн даалгавраа хийж, шинэ найз нөхөдтэй болж, чөлөөт цагаа зөвөөр өнгөрүүлж гэртээ байгаа мэт тав тухтай орчинд байх болно. Тиймээс та хүүхэддээ санаа зоволтгүйгээр ажлаа хийх бүрэн боломжтой юм. Бид хүүхдүүдийг чөлөөт цагаа зөв боловсон өнгөрүүлэхэд бүх анхаарлаа хандуулж сэтгэн бодох чадварыг хөгжүүлсэн тоглоом тоглуулж, нас насанд тохирсон ном уншуулж ойлгосноо ярих, зурах, дүрд орж жүжиглэх зэрэг хүүхдийн хэл яриа хөгжүүлэн ажиллаж агаар салхинд гаргах, хөнгөн дасгал хөдөлгөөн хийх, бие дааж сурах зэргээр сургалтыг явуулна. Хүүхэд айж эмээх зүйлгүйгээр чөлөөтэй бусадтай ярилцах, бусдыгаа хүндлэх, өөртөө итгэлтэй байх, өөрийгөө үнэлэх зэрэгт ихээхэн ач холбогдолтой . Мөн шатар, даам дуу, шүлэг, гадаад хэлний түвшинг дээшлүүлэх сургалт үнэ төлбөргүй явуулдаг. Бид хүүхдийг хичээлээр хэт шахахгүй байх, өөрийн хүсэл сонирхлыг харгалзан үзэж хичээлийг хийлгэх зарчим баримталж ажиллаж байгаа бөгөөд чөлөөтэй сэтгэж, чөлөөтэй ярилцаж өөрийн санал хүслийг хэлж хамтран хичээл хийдэг. Хүүхдийг хэт их шахаж шаардах нь тухайн хүүхдийн хичээл хийх сонирхол буурах, дургүй болох хэт их стрессэнд орох гэх мэт сөрөг нөлөөтэй байдаг. Тиймээс хүүхдийг хүсэл сонирхлынх нь дагуу дэмжин ажиллах, тухайн хүүхдийн чөлөөт сэтгэхүй, бусадтай харилцах харилцаа, өөртөө итгэх итгэл зэргийг нэмэгдүүлж өгдөг.